FAOI SRUTH NA TEANGA

Turas persanta thí scéal ollmhór na Gaeilge

Curtha i láthair arna mhaoiniú ag Gaillimh 2020

Is píosa dhátheangach tumthach amharclannaíochta é Sruth na Teanga a chuireann scéal agus teacht chun cinn na Gaeilge i láthair ar shlí lán samhlaíochta. Tá eispéireas ar leith cruthaithe ag Branar a thugann an lucht féachana linn ar thuras eipiciúil ár dteanga dúchais.

Grúpa ar ghrúpa, téann 10 duine ar aistear trí 5 dhomhan éagsúla, spreagúla agus léireofar scéal spleodrach na teanga. Tugann sainstíl scéalaíochta Branar an phuipéadóireacht, an ceol, an mhapáil físe agus an léiriú beo le chéile – ná caill amach air.

Oiriúnach do chuile leibhéal Gaeilge agus Béarla

Dataí: 1ú - 18ú Meán Fomhair 2021 mar chuid de Galway International Arts Festival

Aoisghrúpa: 7 mbliana+

Fad: thart ar 45 nóim.

Ionad: Críochfort Aerfort na Gaillimhe, An Carn Mór*

Praghas: Páistí - €10, Duine Fásta - €12.50 - €15, Clann (ceathrar) - €45

*Tá An Carn Mór ar imeall chathair na Gaillimhe, cúpla nóiméad ón M6 (Baile Átha Cliath), an M17 (Tuaim/Sligeach) agus an M18 (Clár/Luimneach)

FAOI Branar Téatar do Pháistí

AG CRUTHÚ SCÉALTA MÓRA DO SHAORÁNAIGH BHEAGA

Tá Branar Téatar do Pháistí ar cheann de na príomhchompántais téatair atá ag cruthú saothair do pháistí in Éirinn. Cruthaíonn muid léirithe áille, nuálacha d'ardchaighdeán a spreagann páistí agus a muintir. Tugann muid ár saothar ar chamchuairt go hionaid agus go féilte áitiúla, náisiúnta agus idirnáisiúnta. Tacaíonn muid le healaíontóirí atá ag cruthú saothair do lucht féachana óg trínár sainchláir roinnte acmhainní agus tríd an coincheap "Seónna Bídeacha". Cruthaíonn muid deiseanna chomh maith do pháistí le go mbeidh siad in ann breathnú ar a gcleachtas éalaíne féin sa láthair scoile.

Téann an compántas ar chamchuairt ó cheann ceann na tíre agus ar fun na cruinne chuile bhliain. Go dtí seo, léiríodh ár saothar ar fud na hÉireann agus na hEorpa, agus níos faide i gcéin sna Stáit Aontaithe Mheiriceá, sa tSín agus sa tSeapáin.